الإشاعة:
سادت حالة من الجدل على منصات التواصل الاجتماعي في مصر بالفترة الماضية، عقب انتشار مزاعم تفيد بتدخل القوات المسلحة في اختيارات المُعلمين المتقدمين للتعيين بوزارة التربية والتعليم، الأمر الذي استوجب توضيح حقائق مهمة… علشان محدش يضحك عليك.
الحقيقة:
– أكد الرئيس عبد الفتاح السيسي أن اختيار المُعلمين الجدد نقطة مهمة جدًا في مرحلة بناء الإنسان، وذلك خلال جلسة بناء الإنسان، ضمن فعاليات يوم الاحتفال بتفوق طلاب مصر الذي انطلق صباح اليوم الثلاثاء.
– نفى الرئيس السيسي نفيًا قاطعًا، خلال الجلسة، ما تم تداوله بشأن تدخل القوات المسلحة في مؤسسات الدولة أو ما سُمّي بـ “عسكرة مؤسسات الدولة” بسبب عقد اختبارات المعلمين في مقر الأكاديمية العسكرية، وقال: “أنا مش بعسكر.. دي مش عسكرة.. أنا بعمل إعادة صياغة للشخصية.. فيه ناس بتبث السموم وتحطم الأمل في بكرة.. إحنا بنحاول في ظل ظروفنا وقدراتنا المحدودة، أنا عمري ما قلت كلام معسول ولا أحلام.. أنا قلت فيه عمل وبس.. هنفضل نشتغل لحد ما نحقق حلمنا”.
– لفت الرئيس السيسي إلى أن الأكاديمية العسكرية كانت معنية بالاختيار في مسابقة المعلمين، قائلًا: “المعلم اللي أنا محتاجه في المدرسة.. عايز أعرف مهاراته عاملة ازاي، انتماءاته عاملة ازاي، فكره عامل ازاي.. أنا هسلّم ولادي للمعلم ده.. أنا عندي فرصة أبذل معاه جهد علشان أجهزه وأساعده يتأهل ليقوم بدور أنا محتاجه.. أنا عايز معلم يصحى 6 الصبح ويروح المدرسة ويهتم بالرياضة.. أنا بحطه في برنامج عام.. لكن الفني مش بتدخل فيه، يعني التخصص”.
– أوضح الرئيس السيسي أن معايير الانتقاء في مسابقة المعلمين الجدد كانت عامة، ولكن تم وضع معايير تخصصية وهناك فرصة جيدة لمنح الجميع المحاولة والعدالة في الاختيار.
– ذكر الرئيس السيسي أن المعايير التي تم وضعها في مسابقة المعلمين، الغرض منها تجهيز المعلم ومساعدته حتى يكون قادر صحيا ورياضيا على القيام بدوره، مشددا على عدم تدخل المسابقة في الجانب الفني.
– شدد الرئيس قائلا: “أنا بحط المعلم ده في إطار عام بحيث يتحمل مسئولية ولادي اللي هيروحوا المدرسة.. أنا عايز جهاز إداري منضبط.. المعلمين دول اتعمل لهم كل الموضوعات اللي تحقق كفاءة الاختيار وبذلنا جهد علشان يكونوا مناسبين للوظيفة.. اللي انت هتقوله هيتحط في عقول أطفال صغار وهيشربوها منك.. أنا بطمن إنه تمت صياغة شخصية المعلم بشكل صحيح”.